skip to Main Content

SVONA
FÓLK

Svona fólk fjallar um baráttu íslenskra homma og lesbía fyrir fullum lagalegum mannréttindum. Sú saga er um margt sérstök og óvenjuleg, en fáir minnihlutahópar hafa náð jafn langt á eins skömmum tíma og fá samfélög í heiminum tekið eins snöggum stakkaskiptum og hið íslenska.

Árið 1992 tók kvikmyndagerðarmaðurinn Hrafnhildur Gunnarsdóttir viðtal við vin sinn, Björn Braga Björnsson, um reynslu sína af því að lifa HIV smitaður á Íslandi. Á þessum 26 árum frá því að Hrafnhildur tók fyrsta viðtalið hefur safnast saman u.þ.b. 400 klst af kvikmynduðu efni sem því miður komst ekki allt fyrir í heimildamyndinni né þáttaröðinni. Það var því ákveðið að gera stóran hluta af viðtölunum aðgengilegan bæði í handriti og á kvikmynd fyrir almenning og aðra áhugasama um þessa sögu.

Button PRIDE
27Aug 20

ÖNNUFÉLAGIÐ

[Trans-Ísland] var fyrst kallað Önnufélagið af því að þá kom Anna Jonna sem hafði búið…

lesa meira

FYRIR 1970 SAMKYNHNEIGÐ VAR LÖGÐ AÐ JÖFNU VIÐ GLÆPSAMLEGT ATHÆFI. Á ÍSLANDI VAR EKKERT OPINBERT SAMFÉLAG SAMKYNHNEIGÐRA. ÍSLENSKIR HOMMAR OG LESBÍUR SEM VILDU KOMAST ÚR FELUM ÞURFTU AÐ FLYTJA TIL ERLENDRA STÓRBORGA. Lesa meira 1970 -1979 Ungt fólk fer í fyrsta sinn að skilgreina sig sem samkynhneigt á opinskáan hátt á Íslandi. Hörður Torfason er fyrsti þjóðþekkti einstaklingurinn til að koma út úr skápnum en er hrakinn úr landi í kjölfarið. Fyrstu félög samkynhneigðra á Íslandi eru stofnuð. Lesa meira 1980 -1989 Alnæmi kemur fram og setur mark sitt á allan áratuginn. Hommar verða fyrir miklum fordómum, sérstaklega þegar enn er lítil vitneskja um það hvernig HIV-veiran smitast. Á sama tíma verða íslenskar lesbíur meira áberandi á opinberum vettvangi og Samtökunum ‘78. Þær stofna jafnframt eigið félag Lesa meira 1990 - 1999 Baráttan við alnæmi heldur áfram en fer smám saman úr sviðsljósinu þegar ný lyf, sem halda sjúkdóminum í skefjum, koma fram um miðjan áratuginn. Lagaleg staða samkynhneigðra bætist til muna með nýjum hjúskaparlögum og gleðigangan verður til. Lesa meira 21. ÖLDIN Gleðigangan er ein vinsælasta samkoma Íslendinga. Alþingi breytir hjúskaparlögum og heimilar hjónabönd fólks af sama kyni. Jóhanna Sigurðardóttir verður fyrsta opinberlega samkynhneigða manneskja heims til að leiða ríkisstjórn. Lesa meira

„Framvarðarsveitin í okkar baráttu voru dragdrottningarnar. Það voru þær sem stóðu hugrakkar, fremstar í baráttunni og voru barðar, var nauðgað, þær voru myrtar. Þetta er framvarðarsveitin, þetta er fólkið sem að var fremst á vígvellinum. Og ef við heiðrum þær ekki í Gleðigöngunni þá getum við gleymt þessu.”

Heimir Már Pétursson, 2020

„BDSM er langt frá því að vera tengt bleiku glimmeri. BDSM stereotýpan er miklu sterkari, miklu svartari, dimmari, grimmari, djöfullegri, en sko hún er jafn röng og hún er djöfulleg.”

Magnús Hákonarson, 2020

„Nú fáum við að reyna það á eigin skinni svona í ljósi sögunnar að þegar ákveðin öfl komast til valda sem hafa horn í síðu minnihlutahópa eða finna þeim allt til foráttu að þá verður að vera til einhvers konar skipulagður sýnileiki fyrir minnihlutahópinn og þeir sem tilheyra hópnum verða að fá staðfestingu á því að þau eigi sér bakland. Að það sé fjöldi.”

Páll Óskar Hjálmtýsson, 2020

HAFÐU SAMBAND

KRUMMAFILMS

Gufunesvegur 1, 112 Reykjavík, IS

(+354) 821 1110
hrabba@krummafilms.com
FINNIÐ OKKUR

    FORSÍÐA – PRIDE

    Back To Top