Svona fólk átti upphaflega að verða heimildamynd sem fjallaði um baráttu íslenskra homma og lesbía fyrir fullum lagalegum mannréttindum en árið 1992 tók kvikmyndagerðarmaðurinn Hrafnhildur Gunnarsdóttir viðtal við vin sinn, Björn Braga Björnsson, um reynslu sína af því að lifa sem HIV smitaður hommi á Íslandi.

Verkefnið vatt upp á sig og á næstu þremur áratugum urðu til um það bil 400 klukkustundir af kvikmynduðu efni sem komst auðvitað hvorki fyrir í einni heimildamynd né fimm þátta sjónvarpsseríunni sem var sýnd á RÚV árið 2019.

Þessar upptökur geyma ómetanlegar heimildir um bæði sögu homma og lesbía á Íslandi sem og þróun íslensks nútímasamfélags og því var ákveðið að gera stóran hluta af viðtölunum aðgengilegan bæði í handriti og á kvikmynd fyrir almenning og aðra áhugasama um þessa sögu. Vefsíða þessi heldur utan þessi viðtöl ásamt ýmsum öðrum heimildum og fróðleik.